Wotternust

Pagina afdrukken twitter Hyves

WotternuRefraain: 
Sinds kört heb k n wotternust, n wotternust, n wotternust,
Op mien nije wotternust kom k goud tot rust.
Sinds kört heb k n wotternust, wotternust, wotternust,
Op mien nije wotternust kom k goud tot rust.

k Sluip al hail wat joaren op n schoemrubber matras.
Dat kwam omdak allergisch en doarom borsteg was.
Ik kon beslist nait sloapen onder echte hounderveren.
Aaltied zee k nee as ze vruigen: “Kom ais logeren.”

Refraain

In t zaikenhuus mos k bloazen op n woepsterd van n belon.
Van dokter kreeg k pillen en ook n spoitflakon.
Mor snachts kon k nait sloapen, k haar t slim benaauwd.
Woar k nou op lig, dat het mie nog nait beraauwd.

Refraain

k Vaal in daibe sloap, k lig d’haile nacht te dreumen.
Lest zat ik bie n eskimo in n iglootje te kleumen.
Dou nam hai mie mit noar zien nije barbecue.
Mor mit bevroren vlees wui t n grode ratjetoe.

Refraain

n Man mit n dikke board kwam mit mie aan de proat.
n Lappie veur zien oge, t was n zeepiroat.
Hai nam mie mit noar n aailand, midden op d’oceoan.
Bie t verdailen van de schat, dou heurd’k wekker goan.

Refraain

Auteur, zang en muziek: Eltje Doddema
 

 

Extra Lesmateriaal

Lessuggesties Wotternust 7-8.doc
Wotternust-liedje.mp3