Griep

Pagina afdrukken twitter Hyves

Mien neuze lopt zo òf en tou,
oh man, wat is t n gedou.
n Wottervale is t din;
aan roeken het e gain zin.

Mien buusdouk wordt din kleddernat
Van t snöttern word ik zat
Mien neuze wordt din glinne rood
En ik, ik vuil mie dood.

Mien aarms en bainen vuilen din slim swoar.
k Vuil mie nog laank nait kloar.
Mien kop drift elke nacht in t zwait
Man, man, wat is t n verdrait.

Ons dokter zegt: ”t Gaait n weke duren.”
Din krigst doe weer dien kuren.
Mor ik heb t noa n dag wel zain:
k Wil gaauw weer op de bain!

 

Eltje Doddema