Zwemles

Pagina afdrukken twitter Hyves

Mörnvroug mou’k weer noar zwemles en ik bin zo baang …
t Laifst verstopte ik mie stiekem achter t behaang.
t Woater is zo ieselk daip, en zo kold en nat.
Waas ik mor n kikkerke, din waas t makkelk zat!

refraain:
Spat, spat, spat, brrr... wat is dat nat!

k Zit aan slootkaant, achter t hoes. k Zai zo’n lutje ding …
n oareg, gruin, klaain kikkerke. Hai begunt te springen!
Kiek, doar doekt e ien ons sloot, swimt mit mooie slag.
Duurd’ik dat mor net as hai, zomor op n dag.

refraain:
Spat, spat, spat, brrrr … wat is dat nat!

Kieken noar zo’n kikkerke is ja nait verkeerd …
k Mout mörn weer noar zwemles tou, mor hai het mie wat leerd:
t Woater is meschain wel daip, mor t is lèkker nat!
Mörn zwem k as n kikkerke …  Da’s vaast makkelk zat!

refraain:
Spat, spat. spat, mmmm … wat lèkker nat!

Auteur: Lianne Abeln

Petra Ferwerda, zang en Alex Staal, piano

Extra Lesmateriaal

Lessuggesties Zwemles 1-2.doc
Zwemles-liedje.mp3