Streektoalrapfonie

Pagina afdrukken twitter Hyves

Refraain:      
Wie zingen n streektoal rap-fonie,      
Din vlaigen der n bulde Grunneger woorden veurbie.
Zo leren wie din ook hail wat van dij toal,
Op n duur proaten wie t Grunnegers allemoal.


Ik wos nait veul van t Grunnegers òf, dat haar k ja nog nooit proat.
Mor meester kwam mit n rap-fonie, dat von ik zo’n roar woord.
Ik mog nait zingen mor ik mos reveln as n avvekoat.
t Vuil nait tou om rad te proaten, voak was ik te loat.

Refraain

Ik leerde aibels vrumde woorden, ik haar der nooit van heurd.
n Doedelkop of kounavvel, doar haar k mie nooit aan steurd.
Wat wos ik nou van n vlije òf, dij was mie nog nooit scheurd.
n Swien, n kou, n bol’ of n peerd, haar ik nog nooit keurd.

Refraain

Ik mos lest kleuren in n taikenschrift, allind mit broen en swaart.
Mor ik gebruukte gruin en gries en rood veur n hail mooi haart.
Dou kreeg ik raggens en foeters, hm, dat von ik hail apaart.
Dou bin ik zo noar huus tou rund en heb d’haile dag naard.

Guster hadden wie knuterles, dat is mien mooiste vak.
Zoagen, spiekern, holtbewaarken en loater in de lak.
Mit n hoamer, n baaidel, n schroevendraaier bin k op mien gemak.
Van goatjes boren mit n boormesien, goa ik uut mien dak.

Refraain

Auteur, zang en muziek: Eltje Doddema

Extra Lesmateriaal

Lessuggesties Streektoalrapfonie 7-8.doc
Streektoalrapfonie-liedje.mp3